In de Johr´n 1998/99 wür vun de Nedderdütschen Bühn Rostock dat Stück „Dat Hürruhr“ spält .
Opa (Dr. Dietrich Dahl) kricht up plietsche Ort een nieget Hürruhr un ward dordörch kunnig, dat sien Schwiegerdochter Berta (Ilona Wilken) em von Buernhoff in een Ollenheim affschuben will. Jochen (Joachim Mohrfeldt), Opas Söhn, steiht ünner´n Tüffel, hett nix to melden un seggt to sien Fru ümmer blot „As Du meenst, Berta!“.
Wiel de Advokat in´t Hus kümmt, üm den letzten Will´n vun Opa fasttohollen, hett Berta, ahn dat Opa wat vun weet, all een Testament upsett, üm Opa lostoward´n un sik möglichst väl ünner´n Nagel to rieten.Up dissen Ogenblick is Opa oewer vörbereit und spendiert mit Vergnögen een´n Schnaps för Jochen, den Breefdräger (Fiete Senk) un vör sik sülben. Dat kümmt nich oft vör, dat he een´n utgift. Na´t ierste Glas secht de Breefdräger genußvoll : “Lang´nich hatt!“
Dissen Satz hebben de Spälers nich vergäten! Wenn bi de Proben vun niegen Stücken orrer bi anner Tosamenkünften eener een´n utgifft, wiel he Geburtsdach hatt hett, dann het dat sietdem na´n Prosten ümmer: „Lang´nich hatt!“
jomo
Nächste Anektode: De Vörstellung orrer Dat Mallür