Allgemeines

De nedderdütsche Bühn Rostock hett Tradition. Se is nu binah 100 Johr old. 1920 is se gründt worden. Lüd, de Spaß hebben an’t Theaterspälen un an de plattdütsche Sprak, sünd bi uns willkommen.

To unsen Verein gehüren 15 Lüd ut verschiedene Berufe, de up un achter de Bühn as Spälers, Techniker för Licht un Ton, Maskenbildner un Toseggersch to Gang sünd. Jedes Johr ward een nieges Stück – tomeist ’ne Kömödi – utsöcht, mit de wi uns Tokiekers ’ne Freud maken können.
Inöwt ward dat Stück mit Fachlüd von’t Theater. Man möt väl Tied mitbringen, denn de Proben duern oft ’n halwes Johr. De Premiere spälen wi in de Bühn 602 in Rostock.
Twee Johr steiht dat Stück meist up’n Spälplan, un wi hebben 15-20 Vörstellungen  nich blot in Rostock, sonnern ok in de schönen Theater in Güstrow oder Putbus. Meistendeils spälen wi in lütte Städte oder Dörper. Dor hebben de Tokiekers am meisten Hög.
Up Wunsch von Veranstalters stellen wi ok lütte Programme mit plattdütsche Geschichten un Riemels tosammen.

Wenn ji Lust hewt mittomaken, denn meldt juch bi uns!
Un wenn ji keen Plattdütsch snackt, denn könnt ji dat von de ollen Meckelborger liehren.
Proben dauen wi in de „Türmchenschule“ in Rostock-Reutershagen.

Kiekt doch eins in uns Mitgliederlist – dor könnt ji uns nu al seihen!