De Nedderdütsche Bühn Rostock e.V. hett Tradition. Se is nu all œwer 100 Johr old. 1920 is se gründt worden. Lüd, de Spaß hebben an’t Theaterspälen un an de plattdütsche Sprak, sünd bi uns von Harten willkamen.

To uns Verein hüren 16 Lüd ut verschiedene Berufe de up un achter de Bühn to Gang sünd. Alle twee Johr ward een nieges Stück – tomeist ’ne Kömödi – utsöcht, mit de wi uns Tokiekers ’ne Freud maken können.

Inöwt ward dat Stück mit Fachlüd von’t Theater. De Premiere spälen wi in de Bühn 602 in Rostock. Twee Johr steiht dat Stück meist up’n Spälplan, un wi hebben 15-20 Vörstellungen nich blot in Rostock, sonnern ok in dat schöne Theater in Güstrow. Meistendeils spälen wi in lütte Städte oder Dörper. Up Wunsch von Veranstalters stellen wi ok lütte Programme mit plattdütsche Geschichten un Riemels tosammen.

Wenn ji Lust hewt mittomaken, denn kiekt doch eins up disse Siet! 
Keine Angst, wenn du noch nicht mit der niederdeutschen Sprache vertraut bist - wir unterstützen dich gerne dabei, die Sprache zu erlernen.

Kiekt doch eins in uns Mitgliederlist – dor könnt ji uns nu al seihn!